Exchange sahibi: \"Heç and içməyə belə dollar yoxdur...\"

Ölkə.az-ın əməkdaşları bu gün də şəhərimizin valyutadəyişmə məntəqələrində monitorinq keçiriblər.

Paytaxtın mərkəzi rayonlarında keçirilmiş monitorinq nəticəsində məlum olub ki, şəhərin valyutadəyişmə məntəqələrinin heç birində ümumiyyətlə dollar yoxdur. Əksər valyutadəyişmə məntəqələri hətta valyuta məzənnələrini belə tabloya qoymamışdılar. Bəzilərində isə qiymət olsa da, xarici valyuta olmayıb. Məntəqələrin bəziləri isə ümumiyyətlə bağlı olub.

Yaxınlaşdığımız valyutadəyişmə məntəqələrinin sahibləri və ya işçiləri də dolların olmadığını bildiriblər. Bir valyutadəyişmə məntəqəsi sahibinin isə əməkdaşlarımıza cavabı çox ilginc olub. O, bildirib ki, "qardaş, inanın ki, heç and içməyə belə dollar yoxdur".

Ölkə.az