\"001\" nömrə məsələsi Zakir Fərəcovu xanım icra başçısıyla üz-üzə qoydu

Sumqayıt şəhər icra hakimiyyətinin başçısı Zakir Fərəcovla Abşeron rayonunun icra başçısı İradə Gülməmmədova arasındakı münasibətlər gərginləşib.

Ölkə.az-ın əldə etdiyi məlumata görə, Zakir Fərəcov İradə Gülməmmədovanın "01-AA-001" dövlət nömrə nişanlı avtomobilini geri ala bilməməsiylə bağlı xəbərlərin mətbuata sızmasında Gülməmmədovanı günahkar bilir. İddialara görə, Fərəcov Abşerondakı kadrlarına Gülməmmədovaya qarşı itaətsizlik nümayiş etdirməyi tapşırıb.

Qeyd etmək yerinə düşər ki, Z.Fərəcovun mobil nömrəsinə zəng çatmadığından, əməkdaşımız onun müavini Sahib Quliyevlə əlaqə saxlayıb. S.Quliyev isə sualı eşidən kimi məzuniyyətdə olduğu və bu barədə danışa bilməyəcəyini söyləyib.

Xatırladaq ki, azxeber.com saytının xəbərində bildirilirdi ki, Z.Fərəcov Sumqayıta təyinat aldıqdan sonra məhz bu seriyalı avtomobili ilə Sumqayıt Rayon İcra Hakimiyyətinə getmişdi. Xəbərdə İradə Gülməmmədovanın hələ də “002” seriyalı xidməti avtomobilindən istifadə etmək məcburiyyətində qaldığı vurğulanırdı.

Ölkə.az