Mingəçevir teatrına direktor və baş rejissor təyin olundu

Mingəçevir Dövlət Dram Teatrına baş rejissor təyin olunub.

Ölkə.az-ın məlumatına görə, Xəzər Gəncəli bundan sonra Mingəçevir teatrının baş rejissoru vəzifəsində çalışacaq. Ancaq maraqlıdır ki, baş rejissoru Mədəniyyət və Turizm Nazirliyindən heç kim kollektivə təqdim etməyib. Əvəzində bu işi icra hakimiyyətinin nümayəndəsi həyata keçirib. Təqdimatda daha bir maraqlı fakt üzə çıxıb. Sən demə, indiyə kimi özünü teatrın direktoru kimi təqdim edən Səxavət Məmmədov əslində, müavin imiş. İclasda qeyd olunub ki, Məmmədov dekabrda rəsmən direktor kimi təsdiqlənib.

Xatırladaq ki, teatrın yeni baş rejissoru tanınmış teleaparıcı Afaq Gəncəlinin yaxın qohumudur. O, bir müddət Türkiyədə də çalışıb.

İntiqam VALEHOĞLU
Ölkə.az