Güclü qar minlərlə avtomobil yollarda qoydu

Rusiya paytaxtına güclü qar yağıb.

Ölkə.Az APA-ya istinadən bildirir ki, yanvarın 12-dən etibarən intensiv yağmağa başlayan qarın hündürlüyü 25 santimetrə çatıb.

Hidrometeoroloqlar gün ərzində Moskvaya yarım aylıq normada qar yağdığını bildiriblər. 

Güclü qar yanvarın 13-dən paytaxt yollarında uzunluğu on kilometrlərlə ölçülən tıxacların yaranmasına səbəb olub.

Paytaxtda hazırda havanın temperaturu -1-3 dərəcə təşkil edir. Axşama doğru -5-6, gecə saatlarında isə -7-11 dərəcə şaxta olacağı gözlənilir. 

Moskvada avtomobil yolları 24 saat ərzində müntəzəm olaraq qardan təmizlənir. Bu işə 15 min texnika və 39 min nəfər canlı qüvvə cəlb olunub.

Ölkə.Az