Suriyanın "ikinci xanımını" İran aradan götürüb?
O, Suriyanın keçmiş prezidenti Bəşər Əsədə hədsiz yaxınlığına görə ölkənin "ikinci xanımı" kimi tanınırdı. Özü də bu ləqəbdən xoşlanır və şəxsi söhbətlərdə haçansa birinci xanım olacağını da deyirdi. Birinci xanım Əsma Əsədin qan xərçənginə tutulduğu məlum olanda, deyilənə görə, tezliklə onun ölməsini arzulamışdı.
Lakin hər şey əksinə oldu: Əsədin devrilməsindən cəmi bir neçə ay öncə o, şübhəli avtomobil qəzasında 49 yaşında həyatını itirdi. Söhbət Əsəd dövrü Suriya hakimiyyətində önəmli təsirə malik jurnalist Luna Şibldən gedir.
"Ölkə.az" xəbər verir ki, bu barədə "Azad İran"ın "YouTube" kanalında yayımlanan süjetdə bildirilir.
