“Sağlam gəncliyin yolu sağlam vərdişlərdən keçir” – Ayaz Əhmədzadə
Azərbaycan Respublikasının Prezidenti yanında Gənclər Fondunun maliyyə dəstəyi ilə icra olunmuş “Sağlam vərdişlər sağlam gəncliyin əsasıdır” adlı layihə artıq başa çatmışdır.
Layihənin rəhbəri Ayaz Əhmədzadə bildirmişdir ki, keçirdiyimiz tədbirlər gənclər və ümumiyyətlə ictimai mühit tərəfindən böyük maraq və rəğbətlə qarşılanmışdır. İstər təhsil müəssisələrində keçirdiyimiz təlimlərdə, istərsə də hesabat konfransında iştirak edənbenefisarlarDövlətin öz gənc vətəndaşlarının problemlərinin həllinə olan diqqətinin təsdiqinə bir daha əmin olublar, zərərli vərdişlərin qarşısının alınması, sağlam həyat tərzinin təbliq olunması ilə bağlı dəyərli kreativ təkliflərlə çıxış ediblər. Layihədə qarşıya qoyulmuş problemin həlli məqsədilə müəyyən edilmiş prioritet tədbirlər sistemi dövlətin gənclər siyasətinin strateji fəaliyyət istiqamətlərindəndir. Biz layihə vasitəsi ilə həm də, zərərli vərdişləri inkar edən, gələcəyin zəkalı gəncləri ilə dialoqun, maariflənmənin, şəbəkələşmənin və əməkdaşlığın gücləndirilməsinə nail olmağa çalışdıq.Çünki, sağlam vərdişlər sağlam gəncliyin əsası olduğundan, bu problemin həllində ölkənin dövlət siyasətini həyata keçirən nazirliklərlə yanaşı bütün cəmiyyətin, xüsusilə əsas aparıcı qüvvə olan gənclərin özlərinin fəal iştirakı vacibdir.
Tədbirlərimizdə Azərbaycan Respublikasının Daxili İşlər Nazirliyinin yüksək rütbəli zabitlərinin iştirak edib zərərli vərdişlərin acı nəticələri, bununla bağlı qanunvericilikdə cəza mexanizmləri barədə məlumatları, tanınmış ziyalıların, ictimai xadimlərin tövsiyyələri xüsusi əhəmiyyət kəsb etmişdir.
Mənə göstərilmiş etimada görə Azərbaycan Respublikasının Prezidenti yanında Gənclər Fonduna təşəkkür edirəm, dövlətin, cəmiyyətin inkişafında gənc nəslin təşəbbüskarlığını və iştirakını artıran ideyaların stimullaşdırılmasında daha böyük uğurlar arzulayıram.
