Ruslar Mariupolu mühasirəyə alır
Minskdə əldə olunmuş atəşkəsə baxmayaraq Donbasda vəziyyət gərgin olaraq qalır.
Ölkə.az Ukrayna mediasına istinadən xəbər verir ki, Donbas partizanları və Rusiya ordusunun onlara köməyə gəlmiş birlikləri Mariupol şəhərinin mühasirəsini gücləndirirlər.
Məlumatlara görə, Donbas separatçıları onlarla zirehli texnika, artilleriya və "Qrad" qurğusu ilə şəhəri mühasirəyə alıblar. Şəhərin müdafiəsini təşkil edən Ukrayna ordusunun "Azov" batalyonun şəhər ətrafındakı mövqeləri mütəmadi atəşə tutulur. Döyüşlər zamanı ölənlər və yaralananların olduğu bildirilir.
Ukraynanın rəsmi qaynaqlarının verdiyi məlumata görə, rusların bu yaxınlarda Mariupol üzərinə hücuma keçməyə hazırlaşdığı haqda Təhlükəsizlik xidmətinə kəşfiyyat məlumatları daxil olub.
Hazırda şəhər ətrafında hərbi qruplaşmaların cəmləşməsi davam edir.
Ölkə.az
