Ebola can almaqda davam edir

Qərbi Afrikada ebola virusundan daha 200 nəfər dünyasını dəyişib.

Ölkə.az Beynəlxalq Səhiyyə Təşkilatının rəsmi saytına istinadən xəbər verir ki, epidemiyadan ölənlərin ümumi sayı 2296 nəfəri ötüb. Bu ölənlərin ən az 200 nəfəri son dörd gündə dünyasını dəyişib.

Təşkilatın saytında dərc olunmuş məlumatda həmçinin bildirilir ki, Qərbi Afrikanın beş ölkəsində bu virusun aşkarlandığı 4300 ağır xəstə var. Xəstəlirin yarıya yaxını Liberiya vətəndaşlarıdır. Virusun ən sürətlə yayıldığı ölkələr isə Qvineya və Syerra-Leonedir.

Təşkilatın yaydığı məlumatda bildirilir ki, indiyədək ebolaya dörd ABŞ vətəndaşı yoluxub və onlar təcili olaraq öz ölkələrinə aparılıblar.

Xatırladırıq ki, bir neçə aydır Afrikanı əsir alan bu virusun hələ də vaksini tapılmayıb.

Ölkə.az