Təcavüz qarşılığında qida yardımı edirlər
“Human Rights Watch” təşkilatı Afrika Birliyinə bağlı əsgərlərin Somalidə qadınlara və qız uşaqlarına təcavüz etdiyini və onun qarşılığında qida yardımı göstərdiyini iddia edir.
Bu gün hesabat verən təşkilat, Somalidə əsgərlərin qida qarşılığında qadınlar və qızları zorladığını, cinsi ticarət qurduqlarını irəli sürüb.
Afrika Birliyi qüvvələri “AMISOM” spikeri Eloi Yao bu iddianı ciddi qəbul etdiyini, bu kimi sui-istifadə hallar baş veribsə, ciddi cəzalandırılacaqlarını qeyd edib.
21 qadın və qız uşaqlarının danışıqlarına əsasən tərtib olunan hesabatda su və tibbi yardım almaq üçün gedən qadınlar daha çox cinsi zorakılığa məruz qalırlar.
Hesabatda adı çəkilən qadınlar sırasında cəmi ikisi polisə şikayət edib. Zorlananlar siyahısında 12 yaşlı bir qızın olduğu bildirilir.(qafqazinfo.az)
Ölkə.Az
