Bakıda şagirdin güllələdiyi müəllim sağdır - YENİLƏNİB - VİDEO - TƏFƏRRÜAT

Bildirilir ki, müəllim ciddi xəsarət almayıb. 

Hadisədən dərhal sonra uşaqlar təhlükəsiz əraziyə toplanıb.

Billurə

***

Daxili İşlər Nazirliyi "İdrak" liseyində şagirdin müəllimi güllələməsi faktı ilə bağlı məlumat yayıb.

Nazirlikdən Ölkə.az-a verilən xəbərə görə, fevralın 6-da saat 09 radələrində Binəqədi rayonunda yerləşən özəl "İdrak" liseyinin qarşısında 10-cu sinif şagirdi Ə.Ş insident törədib.

O, atasına məxsus ov silahı ilə məktəbə gələrək orada müəllimə işləyən Ş.K-ya xəsarət yetirib.

Polis əməkdaşları tərəfindən Ə.Ş saxlanılıb. Ondan ov silahı götürülüb.

Faktla bağlı araşdırma aparılır.

***

Bakıda liseydə şagird müəllimini güllələyib.

Ölkə.az xəbər verir ki, hadisə Binəqədi rayonu ərazisində yerləşən "İdrak" liseyində baş verib.

Məlumata görə, 10-cu sinif şagirdi müəllimini odlu silahla güllələyib.

Hazırda hüquq-mühafizə orqanları hadisə yerinə yerinə cəlb olunub.

Qeyd edək ki, xəbəri ilk olaraq "unikal.az" saytı yayıb.