Yaponiyada İkinci Dünya Müharibəsindən sonra bir ilk
Ölkə.az xəbər verir ki, Baş nazir Takaiçinin lider olduğu LDP partiyası parlamentin aşağı palatası olan Nümayəndələr Palatasında 465 yerdən 316-sını qazanıb.
Bununla da LDP yerlərinin sayını 198-dən 316-ya çatdırdı. Bu, hakim partiyaya parlamentdə üçdə iki çoxluq hesab edilən 310 yerlik həddi aşmağa imkan verdi.
Bu nəticə ilə LDP İkinci Dünya Müharibəsindən sonrakı Yaponiyada bu uğura imza atan ilk partiya oldu.
LDP hazırda Sangiində (parlamentin yuxarı palatası) çoxluğa malik deyil.
Takaiçi kimdir?
Yaponiyanın ilk qadın baş naziri olan 64 yaşlı Takaiçi Sanae 1961-ci ilin mart ayında Nara prefekturasının Yamatokoriyama şəhərində anadan olub. Takaiçinin atası fabrik işçisi, anası isə prefektura polis bölməsində katib işləyib.
1984-cü ildə Kobe Universitetinin Biznes Məktəbini bitirən Takaiçi, 1987-ci ildə ABŞ Konqresmeninin ofisində vəzifə tutub.
1989-cu ildə Matsuşita Hökumət və İdarəetmə İnstitutunu bitirən Takaiçi, TV Asahi və Fuji TV də daxil olmaqla bir neçə kanalda proqram aparıcısı kimi çalışıb.
Panasonic şirkətinin təsisçisi Matsushita Konosuke ilə görüşmək fürsəti əldə edən Takaichi, yapon sənayeçisindən ilhamlanaraq siyasət qoşulmaq qərarına gəldi . 1993-cü ildə siyasətə başlayan Takaiçi, müstəqil namizəd kimi ilk seçkilərində Nümayəndələr Palatasına seçildi və daha sonra LDP-yə qoşulub.
Takaiçi Şinzo Abenin ilk kabinetində Okinava və Şimal Əraziləri üzrə Dövlət Naziri və Elm və Texnologiya Naziri vəzifələrində çalışıb.
2014-2017 və 2019-2020-ci illərdə Daxili İşlər və Rabitə naziri vəzifəsində çalışan Takaiçi, həmçinin LDP Siyasət Tədqiqat Şurasının sədri vəzifəsində iki müddət çalışıb.
Kişida Fumionun kabinetində İqtisadiyyat və Təhlükəsizlik naziri vəzifəsini tutan Takaiçi, 30 ildən artıq davam edən siyasi karyerası ərzində 10 dəfə parlamentə seçilib.
Takaiçinin X sosial media platformasında təxminən 1,07 milyon, YouTube-da 570.000 və İnstaqramda təxminən 220.000 izləyicisi var.
Mürtəza
