Məşhur boksçumuz vəfat etdi

Xərçəng xəstəliyindən əziyyət çəkən məşhur boksçumuz Emil İsrafilbəyov dünyasını dəyişib

Ölkə.az xəbər verir ki, bu barədə onun idmançı həmkarı Ağalı Allışov sosial şəbəkədə yazıb:

"Əziz həmvətənlər, bu dəqiqə aldığım məlumata görə, ölkəmizi peşəkar boks rinqlərində layiqincə təmsil edən "Emil Baku" kimi tanınan Emil İsrafilbəyov rəhmətə getdi. Bu günlərdə Emilə dəstək olmağa çalışan hər bir kəsə təşəkkür edirəm! Allah rəhmət eləsin, məkanı cənnət olsun!”

Xatırladaq ki, "Emil Baku" 90-cı illərdə Amerikada tanınmış boksçulardan olub. Bir müddətdir ki, o beyin xərçəngindən əziyyət çəkirdi.

İntiqam VALEHOĞLU
Ölkə.az