Bu, milçək vızıltısı təsiri bağışlayır - Deputatdan cavab
Ölkə.az xəbər verir ki, bunu deputat Sahib Alıyev parlamentdə çıxışı zamanı deyib.
Onun sözlərinə görə, amma orasını da deməliyik ki, ABŞ-nin öncəki rəhbərliyinin də böyük maneçilik törətməsinə rəğmən, bu çevrilişin himini qoyan, onun baş tutması üçün reallıq yaradan məhz Azərbaycan dövləti, dövlətimizin başçısı cənab İlham Əliyevdir. "Ona görə də indi regiona hay diasporuyla sıx əlaqəsi olmuş hansısa məmur yox, ilk növbədə Amerikanın çıxarları üçün çalışan və oradakı hakimiyyət iyerarxiyasında ikinci adam sayılan vitse-prezidentin gəlməsi bizim üçün çox mühümdür",- o vurğulayıb.
Dedi əlavə edib ki, Vensin İrəvandakı mətbuat konfransında dediyi "Sülh keçmiş yox, gələcək üçün yaradılır" sözləri elə əslində bu miflərlə, uydurmalarla, nifrətlə dolu qaranlıq keçmişə dönüş yoxdur: "Burada mən bir məsələni özəlliklə vurğulamaq istəyirəm. ABŞ-dəki daşnak yığnağı, eləcə də guya din təəssübü çəkən bəzi çevrələr səfər öncəsi böyük kampaniya başladaraq miatsumçu rejimin haqqında artıq məhkəmə qərarı çıxarılmış təmsilçilərini həbsdən buraxdırmağa çalışırlar. Əminəm ki, cənab Tramp da, onun komandasındakılar da burada qətiyyən humanitar niyyət güdülmədiyinin, iki ölkə arasında növbəti qarşıdurma üçün hazırlıq görməyə çalışıldığının yaxşı fərqindədirlər. Bu regionda sülhdə maraqlı olmayan dövlətlərin parlament və parlamentarilərinin də bizim üçün milçək vızıltısı təsiri bağışlayan oxşar tələblər səsləndirməsi də məhz bunun təsdiqidir.
Sonda mən ümid etdiyimi bildirmək istəyirəm ki, bu səfər hər iki tərəf arasındakı əməkdaşlığın daha da dərinləşməsinə və genişlənməsinə yol açmaqla yanaşı, bu fonda qara ləkə təsiri bağışlayan 907-ci və SSRİ dağılandan üzü bəri heç bir anlam daşımayan Cekson-Venik düzəlişlərinin tam aradan qaldırılmasında oynadığı mühüm rolla yadda qalacaq. Qarşıda isə Vaşinqton danışıqları gözlənilir".
Mürtəza
