Türkiyə bu ölkələrdə hərbi baza yaradır

Türkiyə silahlı qüvvələri ölkə xaricində iki hərbi baza yaradır.

Ölkə.az xəbər verir ki, Katar əmirliyindəki hərbi bazanın qurulmasına artıq hazırlığın getdiyi bir dövrdə Türkiyənin Qırmızı dəniz sahillərində də hərbi baza yaradacağı haqda Ankaradakı mənbələr xəbər yaydı.

Məlumata görə, Türkiyənin ikinci hərbi bazası Somalidə qurulacaq və bu haqda artıq razılışma əldə olunub.

Türkiyə hərbi bazasının Qırmızı dənizdən Ədən körfəzinə keçid nöqtəsinə yaxın qurulması planlaşdırılır ki, bu da dünyanın ən işlək dəniz ticarət yollarına nəzarət etmək imkanı verir.

Bu haqda qanun layihəsinin Türkiyə parlamentinin Müdafiə məsələləri komitəsindən artıq keçdiyi bildirilir.

Ölkə.az