Ağ Ev Tehranla İranın nefti, qazı və nadir metallarını müzakirə edəcək

Ölkə.az CNN-ə istinadən xəbər verir ki,  tərəflər nüvə sazişi ilə birlikdə bağlana biləcək biznes sövdələşmələri ötən il  keçirilən danışıqlarda müzakirə olunub.  Danıqşılarda  ABŞ-a İran nefti, qazı və nadir torpaq ehtiyatlarının işlənməsi üçün imtiyazlı giriş imkanı verilməsi də müzakirə edilib.

CNN-in mənbələrinə istinadən xəbər verir ki, məsələnin yenidən gündəmə gəlməsi gözlənilir.
Beləliklə, kanal qeyd edir ki, İran hökuməti iqtisadi təşviqlərin köməyi ilə ABŞ-ın hücumunun qarşısını almağa çalışa bilər və tərəflərin ilkin sərt danışıqlar mövqeləri dəyişə bilər.
Körfəzdəki ərəb ölkələri də ABŞ-ın hərbi əməliyyatlarının bölgəni qeyri-sabitləşdirə biləcəyindən dərin narahatlıq keçirirlər.

Kanalın mənbələrinə görə, onlar diplomatiyaya daha çox vaxt vermək üçün hərbi əməliyyatların təxirə salınması üçün lobbiçilik edirlər.

CNN qeyd edib ki, qarşıdan gələn danışıqlar fonunda ABŞ Yaxın Şərqdəki hava və dəniz qüvvələrini əhəmiyyətli dərəcədə artırmağa davam edir.

Bu qüvvələr həm Tehranı qorxutmaq, həm də nüvə proqramı ilə bağlı danışıqların uğursuzluğu halında ölkəyə qarşı zərbələrin endirilməsi ehtimalını təmin etmək üçün oradadır.
Bu gün Cenevrədə baş tutacaq danışıqların növbəti raunduna Amerika tərəfindən ABŞ Prezidentinin xüsusi elçisi Stiv Uitkof, İran tərəfinə isə İranın xarici işlər naziri Abbas Əraqçi rəhbərlik edəcək. 

 Mürtəza