Culi Bişop: "İŞİD-i məhv etmək mümkün deyil"

Avstraliyanın xarici işlər naziri Culi Bişop sensasion bəyanatla çıxış edib.

Ölkə.az Avstraliyada çıxan "Sydney Morning Herald" qəzetinə istinadən xəbər verir ki, ölkənin xarici işlər naziri Culi Bişop ABŞ-ın İŞİD-ə qarşı apardığı əməliyyatları "mənasız cəhdlər" adlandırıb.

Bütün hərbi kampaniyalarda həmişə ABŞ-ın yanında olmuş Avstraliyanın bu səviyyəli nazirinin dilindən belə bir bəyanatın səslənməsi çox ciddi siqnal deməkdir.

"Mən düşünürəm ki, İŞİD-i tam olaraq məhv etmək mümkün deyil. ABŞ-ın bütün planlarına və cəhdlərinə baxmayaraq bu mümkün olmayacaq. Deyin görüm, biz Əl-Qaidəni məhv edə bildik? İŞİD də Əl-Qaidə kimi öz ideologiyası olan hərbi qüvvədir. Onu da məhv etmək mümkün olmayacaq", deyə Avstraliyanın xarici işlər naziri vurğulayıb.

Ölkə.az