Məşhur şirkət 15 min avtomobilini geri çağırdı
Fransanın "Reno" şirkətinin istehsal etdiyi avtomobillərin mühərrikində problem üzə çıxıb.
Ölkə.Az atv.az-a istinadən bidirir ki, bu səbəbdən şirkət satışa çıxarılan 15 min avtomobili geri çağırıb.
Problemin ciddiliyinə gəlincə, nəqliyyat vasitəsinin mühərrikinin ixrac etdiyi qaz ekologiyanı nəzərdə tutulandan daha çox çirkləndirir. Bu qüsurun aradan qaldırılması üçün satışa çıxarılan bütün son model maşınlar yenidən nəzərdən keçiriləcək.
"Reno" avtomobillərində texniki nasazlığın üzə çıxması şirkətə maddi baxımdan ciddi ziyan vurub. Sözügedən şirkətə məxsus səhmlər artıq 10 faiz ucuzlaşıb. Geri çağırılan avtomobillərin sayının arta biləcəyini də nəzərə alsaq, "Reno"ya dəyən zərəri indidən hesablamaq çətindir.
Şirkət rəhbərliyi isə texniki nasazlığı olan avtomobillərin modelini açıqlamaqdan imtina edib.
