Dünyanın ən yaxşı selfisi budur

Britaniyalı Andrey və Selli Rouz Robinzon cütlüyü “dünyanın ən yaxşı selfisi” mükafatını qazanıb.

Andrey və Selli cütlüyü sözügedən fotoşəkli Lankaşir şəhərindəki kilsələrdən birində evlilik mərasimindən sonra çəkdiriblər.

Fotoşəkildə evlilik üzüklərini göstərən cütlüyün arxasında mərasimə dəvət olunanlar yer alıb. Rahibin icazəsi ilə çəkilən şəkli çox bəyəndikləri üçün daha sonra “Facebook” hesablarında da paylaşıblar.

Cütlüyün xoşbəxtlik görüntülərini əks etdirən həmin fotoşəkil keçirilən ən yaxşı selfi müsabiqəsində qalib olub. Bununla bağlı açıqlama verən Andrey həyat yoldaşının şəkli sosial şəbəkədə paylaşmağından xəbərsiz olduğunu bildirib.

Qeyd edək ki, cütlüyün selfisi 300 ən yaxşı şəkil içərisindən seçilib. (anspress)

Ölkə.Az