Bakıda Mərkəzi Parkda təhlükəli vəziyyət - FOTO
Bakının köhnə “Sovetski” məhəlləsində, Abdulla Şaiq, Nəriman Nərimanov və Mirzə Ağa Əliyev küçələrinin kəsişməsində yerləşən Mərkəzi Parkda təhlükəli vəziyyət yaranıb.
Bu barədə Ölkə.Az-a parka tez-tez üz tutan sakinlər məlumat veriblər. Bildirilib ki, park ərazisində yerləşən piyada körpüsünün şüşə məhəccərlərindən üçü ciddi şəkildə çatlayıb.
Fotodan da göründüyü kimi, şüşənin böyük hissəsi xırda çatlarla örtülüb ki, bu da onun dayanıqlılığı ilə bağlı suallar yaradır.
Sakinlərin sözlərinə görə, ərazidə hər gün çox sayda insan, xüsusilə uşaqlar və yeniyetmələr hərəkət edir. Çatlamış şüşələrin hər an qırılma riski isə ciddi təhlükə mənbəyi kimi qiymətləndirilir.
Məsələ ilə bağlı Ölkə.Az Mərkəzi Parkın rəhbərliyinə sorğu ünvanlanıb. Rəsmi mövqe təqdim olunacağı təqdirdə materiala əlavə ediləcək.
Billurə
