"İran-Azərbaycan sərhədində tam təhlükəsizlik təmin edilib"
Ərdəbil əyalətinin Sərhəd Qoşunlarının komandanı, general Seyid Şahin İsmaili İran-Azərbaycan sərhədində vəziyyətin tam sabit olduğunu açıqlayıb.
Ölkə.Az xəbər verir ki, o, “Tasnim News” agentliyinə müsahibəsində bildirib ki, 357 kilometrlik sərhəd boyunca hər hansı bir addım və gərginlik müşahidə olunmur.
İsmaili əlavə edib ki, sərhədlər təhlükəsizliyi məsuliyyətlə və davamlı monitorinq aparılaraq qorunur. Vurğulayıb ki, Azərbaycanla ortaq sərhəd boyunca hər iki tərəf sərhədlərə nəzarət edir və hər hansı pozuntuya yol vermir.
"Biz İran və Azərbaycan Respublikası arasındakı ortaq sərhəddə xarici müdaxilənin təhlükəsizliyi pozmasına imkan verməyəcəyik. Sərhədlərin qorunması və təhlükəsizliyin təmin edilməsi davamlı olaraq həyata keçirilir”, - deyə İsmaili vurğulayıb.
