İsrail niyə "Bəsic"i xüsusilə hədəfə alıb? - Liderinin ölümünün təfərrüatları
Ölkə.Az xəbər verir ki, bu barədə "Associated Press" bildirib.
Qeyd edilir ki, onlar daimi çadırdan müvəqqəti qərargah kimi istifadə ediblər.
Bundan öncə İsrail Müdafiə Qüvvələri "Bəsic" lideri Qulamrza Süleymaninin öldürüldüyünü bəyan etmişdi.
"Reuters" yazır ki, "Bəsic"in idarəetməsindən yüksək rütbəli şəxslərin böyük qismi aradan qaldırılıb.
Bildirilir ki, ABŞ və İsrailin növbəti addımı insanları meydanlara çağırmaq olacaq. Hazırda ABŞ və İsrail daha çox "Bəsic"in zəifləməsinə fokuslanıb.
Dünən isə İsrailin Baş naziri Benyamin Netanyahu İran xalqına Novruz bayramı münasibətilə videomesaj ünvanlayıb:
“İranın cəsur xalqı, hər il olduğu kimi, sizə İşıqlar Festivalı ilə başlayan xoş bir bayram mövsümü arzulayıram.Bu, İran xalqının işığın qaranlığa, xeyirin şərə qalib gələcəyinə dair qədim inancını ifadə edir. Qoy bu il azadlıqla dolu olsun. Hamınıza ümidverici yeni başlanğıc arzulayıram”.
Bundan əlavə, İsrailin müdafiə naziri İsrael Katz İranın Təhlükəsizlik Şurasının rəhbəri Əli Laricanini öldürdüklərini açıqlayıb. İranın "kölgə rəhbəri" Laricaninin isə X sosial şəbəkə hesabında ABŞ Hərbi Dəniz Qüvvələrinin Şri-Lanka sahillərində ölkənin “IRIS Dena” hərbi gəmisinə hücumu nəticəsində həlak olan iranlı dənizçilərə başsağlığı məktubu paylaşılıb.
