"Hamiləyəm" deyib xəstəxanaya getdi, həyatının şokunu yaşadı - FOTO

Ölkə.Az xəbər verir ki, hadisə Türkiyənin Kahramanmaraş şəhərində baş verib.

Xəstəxanaya ürəkbulanma, aybaşı gecikməsi və baş ağrısı şikayəti ilə gedən bir qadın hamilə olduğunu düşünsə də, aparılan testlər tamamilə fərqli bir həqiqəti üzə çıxarıb.

Xəstənin vəziyyətindən danışan Kahramanmaraşdakı özəl bir xəstəxanada çalışan mama-ginekoloq Tuğba Çiftçoğlu deyib:

“Xəstənin şikayətləri hamiləlik şikayətlərinə bənzədiyi üçün müxtəlif ehtimalları qiymətləndirdik. Bu kontekstdə hormon testləri yüksək prolaktin səviyyəsini ortaya qoydu.
MRT nəticələri beynin hipofiz vəzində "prolaktinoma" adlanan bir şiş aşkar etdi. Bu şiş prolaktin hormonunun həddindən artıq ifraz olunmasına səbəb olur. Adətən xoşxassəli olur və dərmanlarla nəzarət altına alına bilər”.

Həkim hamiləlik simptomlarına bənzər şikayətlərin müxtəlif xəstəliklərin göstəricisi ola biləcəyinə diqqət çəkib:

“Prolaktin əslində beyindəki hipofiz vəzisindən ifraz olunan və süd istehsalına səbəb olan bir hormondur. Beyin MRT müayinəsi hipofiz vəzində bir şiş, yəni bir kütlə aşkar etdi. Prolaktinoma şişinin xərçəngə çevrilmə ehtimalı azdır. Buna görə də, dərmanla müalicə edilə bilər, lakin hamiləlik simptomlarına bənzədiyi üçün diferensial diaqnozda nəzərə alınmalı bir vəziyyətdir”.

Billurə