Mingəçevir teatrında dava düşdü

Bir neçə gün əvvəl Mingəçevir Dövlət Dram Teatrındakı kinoteatrda dava düşüb.

Bu barədə Ölkə.az-a hadisə iştirakçılarından biri məlumat verib. Adının çəkilməsini istəməyən şəxsin dediyinə görə, teatrın kassasından "Qırmızı" adlı türk filminə baxmaq üçün iki bilet alıb:

"Axşam saat 6-da qonağımla gəldik ki, filmə baxaq. Nəzarətçi dedi ki, film göstərilməyəcək. Səbəbini soruşanda bildirdi ki, adam azdır deyə aparaturanı qoşmaq sərf eləmir. Məsələni ictimailəşdirəcəyimi deyəndə nəzarətçi və teatrın sürücüsü üstümə cumdular. Məni vurmaq istədilər. Sürücü dedi ki, qatıqlama, ağıllı ol, çaşma".

Məsələ ilə bağlı qarşı tərəfin də mövqeyini dərc etməyə hazırıq.

İntiqam VALEHOĞLU
Ölkə.az