İŞİD yol polisi yaratdı

Əl ilə yazılmış sənəd Rakka şəhərində verilib

“İslam Dövləti”ndə (İŞİD) şəxsi avtomobil müfəttişliyi təsis edilib.

Yol hərəkəti qaydasını pozduğuna görə verilən cərimə qaiməsinin fotosunu Dubaydan olan müxbir Cenan Mussa Twitter-də paylaşıb.

Əl ilə yazılmış sənəd, yaraqlıların hələ 2013-cü ilin martında ələ keçirdikləri və Suriyada islamçıların işğal etdikləri ərazinin qeyri-rəsmi paytaxtı olan Rakka şəhərində verilib.

Sənədin birinci sətirində “İraq Şam İslam Dövləti” yazılıb. İdarənin adı yazılmalı olan sətirdə “İslam polisi, yol hərəkəti departamenti” yazılıb. Sənədə müvafiq olaraq yol hərəkəti qaydalarını pozan şəxs əks istiqamətdə hərəkət etməkdə təqsirləndirilib.

Ekspertlərin qeyd etdiyi kimi, yol müfəttişliyinin yaradılması İD üçün məntiqi addımdır. Suriya və İraqda geniş ərazilər ələ keçirən yaraqlılar orada həyat tərzini nizama salmaq məcburiyyəti ilə üzləşiblər.

Yaraqlılar şəriət məhkəməsi, polis təsis ediblər, amma kommunal xidmətlərin işinə qarışmayıblar və hətta kiçik biznes üçün vergiləri belə azaldıblar./Oxu.az/

Ölkə.Az