Elgiz Əkbər \"Günəbaxan\"dan getdi
Elgiz Əkbər bu gün "Günəbaxan" verilişində tamaşaçıları ilə sağollaşıb. Sabah veriliş başqa aparıcının təqdimatında efirə çıxacaq. Bu barədə bu gün verilişdə məlumat verən aparıcı qeyri-müəyyən müddətə məzuniyyətə çıxdığını deyərək, bu addımının səbəbini açıqlamayıb.
Ölkə.Az publika.az-a istinadən xəbər verir ki, Elgiz Əkbər açıqlamasında bunu ailəsində baş verəcək xoşbəxt hadisə ilə əlaqələndirib. Yaxın günlərdə həyat yoldaşının ana olacağını, bu səbəbdən onun yanında olmaq istədiyini bildirib:
"Yaxın günlərdə ata olacam. Xanımımın mənə ehtiyacı var. Ona görə də məzuniyyətə çıxdım ki, xanımımın yanında olum".
Aparıcı sabah onun yerinə hansı aparıcının efirə çıxacağı ilə bağlı danışmaqdan imtina edib:
"Onu deyə bilmərəm. Bu, sürprizdir".