Daha 2 bank ADİF-ə üzv bankların siyahısından çıxarıldı
“NBCbank” ASC Əmanətlərin Sığortalanması Fonduna (ADİF) üzv bankların reyestrindən çıxarılıb və ona verilmiş şəhadətnamə ləğv edilib.
Bu barədə Fonddan Ölkə.Az-a bildirilib.
Fondan bildirilib ki, adıçəkilən bank Azərbaycan Respublikasının Qanununun 22.3.1-ci maddəsinə uyğun olaraq Əmanətlərin Sığortalanması Fonduna üzv bankların reyestrindən çıxarılıb və ona verilmiş şəhadətnamə ləğv edilib.
“Bundan başqa, Fonda üzv olan "Yunayted Kredit Bank" ASC 27 yanvar 2016-cı il tarixində “Əmanətlərin sığortalanması haqqında” Azərbaycan Respublikasının Qanununun 22.3.1-ci maddəsinə uyğun olaraq Əmanətlərin Sığortalanması Fonduna üzv bankların reyestrindən çıxarılıb və ona verilmiş şəhadətnamə ləğv edilib”, - deyə Fondun açıqlamasında qeyd edilib.
Qeyd edək ki, yanvarın 25-də adıçəkilən bankların bank lizenziyası Mərkəzi Bank tərəfindən ləğv edilmişdi.
Ölkə.Az
