Moldova Azərbaycana yeni səfirini göndərir
Dünən Moldova hökumətinin Pavel Filipin rəhbərliyi ilə keçirilən iclasında aralarında Azərbaycanın da olduğu doqquz ölkəyə yeni səfir təyin edilib.
Ölkə.Az xarici mediaya istinadən xəbər verir ki, Nazirlər Kabinetinin verdiyi qərara görə, George Leuke Azərbaycanda səfir vəzifəsinə təyin edilib.
Həmçinin, sabiq kənd təsərrüfatı naziri Vasili Bumakov Yaponiyada səfir vəzifəsinə təyin edilib.
Bundan başqa Oleq Tsulya isə Macarıstanda, İnqa İonisiya Estoniyada, Ştefan Qordaya Bolqarıstanda, Dumitr Sokolan Portuqaliyada, Yuri Renitse Belçikada, Vitillie Rusu Çexiyada diplomatik nümayəndəliklərin rəhbəri təyin ediliblər.
Qeyd edək ki, Moldovanın Azərbaycandakı səfiri İqor Bodiunun diplomatik missiyası keçən il başa çatıb.
