Fransa İŞİD-ə qarşı hərbi əməliyyatlara başlaya bilər

Fransua Olland: "Terror qruplaşması bütün bölgə üçün təhdiddir"

ABŞ-ın ardından Fransa da İraq və Şam İslam Dövləti qruplaşmasına qarşı hərbi əməliyyatlara başlaya bilər.

Fransanın Prezident Sarayında keçirilən Müdafiə Şurasının iclasından sonra verilən yazılı açıqlamada bildirilib ki, İŞİD-ə qarşı hərbi müdaxilə variantı nəzərdən keçirilir:

"Terror qruplaşması bütün bölgə üçün təhdiddir".

Açıqlamada həmçinin qeyd olunub ki, prezident Fransua Olland beynəlxalq hüquqa uyğun olaraq İŞİD-ə qarşı siyasi, humanitar və lazım olsa, hərbi cavab verilməsinin vacibliyini bildirib.

Yazılı açıqlamada bildirilib ki, Fransa qlobal miqyaslı təhlükə mənbəyinə çevrilən İŞİD-ə qarşı müttəfiq ölkələrin koordinasiyalı hərəkət edilməsinin vacib sayır.

Qeyd olunub ki, Fransanın IŞİD təhdidi və İraqın təhlükəsizliyiylə əlaqədar Parisdə beynəlxalq bir konfrans təşkil etmək istəyir./Milli.az/

Ölkə.Az