Ermənistan və Bolqarıstan arasında strateji tərəfdaşlıq haqqında bəyannamə imzalandı
Ermənistanın Baş naziri Nikol Paşinyan İrəvanda keçirilən Avropa Siyasi Birliyinin (EPC) 8-ci sammiti çərçivəsində Bolqarıstan Prezidenti İliana Yotovanı qəbul edib.
"Ölkə.az" xəbər verir ki, bu barədə Ermənistan hökumətinin mətbuat xidməti məlumat yayıb.
Görüş zamanı tərəflər iki ölkə arasındakı yüksək səviyyəli siyasi dialoqu və əməkdaşlıq potensialını müzakirə ediblər. Nikol Paşinyan Avropa İttifaqı çərçivəsində Ermənistana göstərdiyi dəstəyə görə Bolqarıstana təşəkkürünü bildirib. İliana Yotova isə öz növbəsində EPC sammitinin əhəmiyyətini vurğulayaraq, Ermənistanın əldə etdiyi tərəqqini yüksək qiymətləndirib.
Görüşün yekununda Nikol Paşinyan və İliana Yotova “Ermənistan Respublikası və Bolqarıstan Respublikası arasında strateji tərəfdaşlıq haqqında” birgə bəyannamə imzalayıblar.
