Aydın Əliyev brokerləri müdafiə etdi
Bəzi insanlar brokerləri yanlış olaraq inhisarçılarla eyniləşdirirlər.
Ölkə.Az “APA-Economics”ə istinadən xəbər verir ki, bunu bu gün keçirdiyi mətbuat konfransında Dövlət Gömrük Komitəsinin sədri Aydın Əliyev deyib.
Onun sözlərinə görə, bu gün Azərbaycan Gömrük Məcəlləsində bəzilərinin inhisarçı adlandırdıqları təmsilçi, vasitəçi institutları mövcuddur:
“Bu institutlar Azərbaycanda bu gün də var. Bu institutları heç kim ləğv edə bilməz. Çünki beynəlxalq ticarət təşkilatları, gömrük təşkilatları, eyni zamanda xarici ictimaiyyət bununla bağlı sabah bizi başa düşməyəcək”.
Komitə sədri vurğulayıb ki, broker, vasitəçi və təmsilçi institutlar xidmət göstərmək üçün yaradılıb.
Aydın Əliyevin sözlərinə görə, bu günə qədər heç kəsin malı sərhəddə qalmayıb və geri qaytarılmayıb.
