Sudandan İrana sərt NOTA

Sudan hökuməti ölkədəki İran mədəniyyət mərkəzinin şiəlik məhzəbinin təbliğatını apardiğını səbəb gətirərək bağlanmağına qərar verib.

İrana mədəniyyət mərkəzini bağlamaq üçün 72 saat vaxt verilib.

Ölkə.az  Sudanın rəsmi xəbər agentliyi "SUNA"ya istinadən xəbər verir ki, Sudan xarici işlər nazirinin mətbuat katibi Yusif əl Kardofani ölkədəki İran mədəniyyət mərkəzinin fəaliyyət sahəsindən kənara çıxdığını qeyd edib.

Kardofani öz açıqlamasında bu mərkəzlərin Sudanın mədəni təhlükəsizliyini təhdid altında qoyduğunu vurğulayıb. 

Sudan hökuməti mədəniyyət mərkəzlərində işləyən diplomatların da ölkəni 3 gün ərzində tərk etməklərini tələb edib.

Qeyd edək ki, İran rəsmiləri tərəfindən notayla bağlı heç bir bəyanat verilməyib.

Orxan Mete

Ölkə.Az