Venesuela prezidenti hökuməti dəyişir

Venesuela prezidenti Nikolas Maduro sentyabrın 2-də kabineti dəyişməyə başlayıb

Xarici işlər naziri postunda Elias Hayanı sabiq neft naziri, PDVSA neft şirkətinin keçmiş rəhbəri Rafael Ramires əvəzləyib.

Elias Haya ərazi inkişafı üzrə vitse-prezident, icma və sosial hərəkat naziri postlarını alıb.

Neft naziri vəzifəsinə sabiq prezident Uqo Çavesin əmisi oğlu Asdrubal Çaves gətirilib.

Rafael Ramiresin apardığı iqtisadiyyat üzrə vitse-prezident vəzifəsi iqtisadiyyat və maliyyə naziri Rodolfo Markoya tapşırılıb.

PDVSA neft şirkətinin rəhbəri postuna isə Euloxio del Pino keçib.

Ötən il martın 5-də prezident Uqo Çaves vəfat edəndən Venesuelada dövlət başçısı səlahiyyətləri vitse-prezident Nikolas Maduroya keçib. Həmin il aprelin 14-də Nikolas Maduro prezident seçilib. Bu yaxınlarda o, ölkədə inqilabi dəyişikliklər proqramı irəli sürüb. Avqustun 19-da hökumət bu səbəbdən tam tərkibdə istefaya gedib./Mediaforum/

Ölkə.Az