İŞİD jurnalistin başını belə kəsdi
"İslam Dövləti" terror qruplaşmasının döyüşçüləri yeni videogörüntü yayımlayıblar.
"Əl-Ərəbiyyə" kanalında yayımlanan kadrlar Suriyanın Rakka şəhərində ələ keçirilmiş hərbi aeroportda çəkilib.
Terrorçular Çeçenistanda və Qafqazda yeni müharibəyə başlayacaqları ilə hədələyiblər. Allahın izni ilə Çeçenistanın və bütövlükdə Qafqazın azad edilməli olduğunu, bunun üçün müharibəyə başlayacaqlarını açıqlayıblar.
Bundan əlavə terrorçular Suriya prezidenti Bəşər Əsədin ordusu ilə havada da mübarizəyə başlayacaqları ilə hədələyiblər.
Xatırladırıq ki, avqust ayının sonunda Ət-Tabaka hərbi hava limanı İŞİD yaraqlılarının əlinə keçmişdi. Nəticədə xeyli sayda ağır hərbi texnika, tank və döyüş təyyarəsi terrorçuların əlinə keçib.
Qeyd edək ki, 2011-ci ilin martından davam edən toqquşmalarda 170 mindən çox insan həyatını itirib. Suriyada hal-hazırda hökümət qüvvələri ilə üsyançılar arasında qanlı döyüşlər ölkənin müxtəlif bölgələrində davam etməkdədir.
Ölkə.az
