Yunan Kipri prezidentinin Qazaxıstan səfəri: Ankara-Astana arasında gərginlik

Ölkə.az xəbər verir ki, bu səfər 34 il əvvəl iki ölkə arasında diplomatik münasibətlərin qurulmasından bəri yunan Kiprinin prezidentinin Qazaxıstana ilk rəsmi səfəri olacaq.
Nikos Xristodulides iyunun 2-də nazirlər və iş adamlarının müşayiəti ilə Larnakadan Qazaxıstana Air Astana şirkətinin ilk birbaşa reysi ilə yola düşəcək.

İyunun 3-də Nikos Xristodulides Qazaxıstan Prezidenti Kasım-Jomart Tokayevlə görüşəcək, ardınca iki ölkənin nümayəndə heyətləri arasında danışıqlar aparılacaq. Daha sonra Qazaxıstan prezidenti kiprli həmkarını "Dostluq" ordeni ilə təltif edəcək. 

Xristodulides səfər çərçivəsində Astana Beynəlxalq Maliyyə Mərkəzində biznes forumunda iştirak edəcək, “Alem.ai” Beynəlxalq Süni İntellekt Mərkəzini ziyarət edəcək və Qazaxıstanda Cənubi Kipr səfirliyinin açılış mərasimində iştirak edəcək.

Nikosiya və Astana ali təhsil, elmi tədqiqatlar, mədəniyyət, idman, informasiya və kommunikasiya texnologiyaları, kibertəhlükəsizlik və elektron hökumət sahələrində əməkdaşlığı inkişaf etdirmək niyyətindədirlər.

Cənubi Kipr nümayəndə heyəti Qazaxıstana səfəri zamanı investisiya fondu, bərpa olunan enerji və infrastruktur layihələri sektorlarında əməkdaşlığın gücləndirilməsinə də diqqət yetirəcək.

2005-ci ildən bəri Cənubi Kiprin Qazaxıstana yatırdığı investisiyalar 5 milyard dolları keçib , Qazaxıstan şirkətlərinin Kipr Respublikasına yatırdığı investisiyalar isə təxminən 2 milyard dollar təşkil edib. Qazaxıstanda Cənubi Kipr maraqları olan 320-dən çox şirkət fəal şəkildə fəaliyyət göstərir.

Nikosiya, Kipri Avropa bazarında etibarlı investisiya və biznes mərkəzi kimi tanıtmaqla, Orta Asiyanın ən böyük iqtisadiyyatı ilə əlaqələrini gücləndirməyə çalışır. 

Mürtəza