Deputat: Deyəcəkdik ki, Naxçıvan da işğal altındadır

Ölkə.az xəbər verir ki, bunu deputat Elman Nəsirov parlamentdə çıxışı zamanı deyib.
Deputat daha sonra deyib:

"Bir az daha açıq desəm, deyəcəkdik ki, Dağlıq Qarabağ ətrafındakı 7 rayon və Naxçıvan işğal altındadır. Bircə Heydər Əliyevin hakimiyyətə gəlişi Naxçıvanda imkan vermədi ki, Naxçıvanı ermənilər işğal etsin. Halbuki Naxçıvanı işğal etmək digər ərazilərimizi işğal etməkdən qat-qat asan idi. Çünki Ermənistanla sərhəddə yerləşirdi.

Təkcə Heydər Əliyev fenomeni bu faciənin qarşısını aldı. Eyni məntiqlə söyləyərdim ki, əgər ulu öndər Heydər Əliyev 1990–1991-ci illərin reallığında Azərbaycanda hakimiyyətə gəlsəydi, o halda nə torpaqlarımız işğal altına düşəcəkdi, nə Xocalı faciəsini yaşayacaqdıq, nə vətəndaş müharibəsi təhlükəsi olacaqdı və Azərbaycanın daha böyük, daha təntənəli inkişafı təmin ediləcəkdi.

Sözlərimin təsdiqi kimi onu qeyd edim ki, 1997-ci ilin iyul-avqust ayında ulu öndər Heydər Əliyevin Birləşmiş Ştatlara 10 günlük ilk rəsmi səfəri oldu. Bu səfər zamanı ulu öndərə Hyuston şəhərinin meri ABŞ-ın 16-cı prezidenti Abraham Lincolnun büstünü bağışladı. O şəxs ki, amerikalılar ona ömürləri boyu minnətdarlıq edirlər və söyləyirlər ki, əgər o olmasaydı, bugünkü Birləşmiş Ştatlar, bugünkü fövqəldövlət də olmazdı. Yəni parçalanmış, iki hissəyə bölünmüş bir Birləşmiş Ştatlar olardı.

Abraham Linkoln ABŞ-ın bütövlüyünü qoruyub saxladı və eyni məntiqlə söyləyirlər ki, ulu öndər Heydər Əliyev Azərbaycanın bütövlüyünü qoruyub saxladı, onun parçalanmasının qarşısını aldı və Azərbaycanda vətəndaş müharibəsinə son qoydu.

Xalqımız həm də ulu öndərə ona görə minnətdardır ki, o, özündən sonra İlham Əliyev kimi böyük bir şəxsiyyəti yetişdirdi".

Mürtəza