İsveç Qarabağda müharibənin əleyhinədir
Dağlıq Qarabağ münaqişəsinin hərbi yolla həlli mümkün deyil.
Ölkə.Az-ın xəbərinə görə, bu barədə İsveç Krallığının xarici işlər naziri Marqot Vallström İrəvanda Ermənistanın XİN rəhbəri Edvard Nalbandyanla fevral ayının 9-da keçirdiyi birgə mətbuat konfransında bildirib.
Vallström vurğulayıb ki, vəziyyətin gərginləşməsinə yol imkan verməmək üçün bütün imkanlar səfərbər edilməlidir. Nazirin sözlərinə görə, münaqişənin ATƏT-in Minsk qrupu çərçivəsində həll yolunun tapılması istiqamətində işlər davam etdirilməlidir.
Qeyd edək ki, İsveçin xarici işlər naziri Cənubi Qafqaz ölkələrinə səfəri çərçivəsində bu gün Bakıya gələcək.