“Qazprom” Azərbaycana qaz sata bilər
Hazırda Rusiya qazının Azərbaycana tədarükünün başlanılması imkanları müzakirə edilir.
Ölkə.Az-ın məlumatına görə, bu barədə Rusiyanın Azərbaycandakı səfiri Vladimir Doroxin "Komsomolskaya pravda" nəşrinə verdiyi müsahibəsində qeyd edib.
Səfirin sözlərinə görə, Rusiyanın aparıcı neft və neft-qaz şirkətləri Azərbaycanla uğurla əməkdaşlıq edirlər.
"Məsələn, "Lukoyl" Xəzərdin ən iri "Şahdəniz" qaz yatağının mənimsənilməsi üzrə layihəsinin sərmayəçisidir. "Qazprom" SOCAR-la sıx əməkdaşlıq edir. İndi isə Rusiya qazının Azərbaycana tədarükünün başlanılması imkanı müzakirə olunur. SOCAR ilə Rusiyanın digər neft-qaz şirkəti "Rosneft" Avropada qeydiyyatdan keçmiş müştərək müəssisə yaradıblar. Azərbaycanda Rusiyanın "RussNeft" neft şirkəti işləyir, bu şirkət ildə milyon ton neft hasil edir".
O, həmçinin iki ölkə arasında elektrik enerjisi sahəsində sıx əməkdaşlığın qurulduğunu qeyd edib: "Azərbaycan və Dağıstan arasında elektrik enerjisinin ötürülməsinə dair saziş mövcuddur. Biz indi bunda “üçbucaq” yaratmaq üzərində çalışırıq: Rusiya-Azərbaycan-İran. Bütün bunlar çoxsaylı insanlar üçün iş yerlərinin açılması deməkdir".
