Ruslan İzzətli ABŞ səfərindən danışdı

D18 Hərəkatının sədri Ruslan İzzətli bir neçə gün öncə ABŞ səfərini yekunlaşdırıb

Ruslan İzzətli ABŞ səfəri və orada keçirdiyi görüşlərlə ilə bağlı Ölkə.Az-a açıqlama verib:

"ABŞ səfərimiz 10 gündən çox çəkdi. Səfərdə mənimlə yanaşı Seyfəddin Boğazlı də iştirak edirdi. Səfər iki istiqamətdə - birincisi, Nyu-Yorkda lobbi qurmaq üçün yerli və beynəlxalq təşkilatlarla görüş, ikincisi, Vaşinqtonda konqresmenlərlə görüş idi. Azərbaycanda demokratiya, insan haqlarının vəziyyəti, siyasi məhbus məsələləri ətrafında fikir mübadiləsi aparmaq başlıca məqsəd idi.

Nyu-Yorkda, Vaşinqtonda və "Amerikanın Səs"inə verdiyimiz müsahibədə də Azərbaycanda demokratiya, insan haqlarının vzəiyyəti, siyasi məhbus məsələsi müzakirə edildi. Səfər həm Azərbaycan demokratiya və insan haqları baxımından, həm də yeni yaranan siyasi bir hərəkat üçün çox önəmli idi. Biz hərəkat olaraq qarşımıza fəaliyyət dönəmində iki əsas istiqamət qoymuşuq. Birincisi, hərəkatın rəbərliyi, idarə heyəti mütamadi olaraq Bakıda və regionlarda təşkilatlanmaq, sosial bazanı artırmaq, yeni qüvvəni ölkədə formalaşdırmaq, ikincisi isə beynəlxalq səfərlər etmək, beynəlxalq əlaqələrimizi gücləndirməkdir. Hərəkat bunu çox uğurlu şəkildə yerinə yetirdi. Qonşu ölkələrə, ABŞ-a səfərimiz oldu. Bu səfərlərimiz davamlı olacaq. Yaxın zamanlarda Avropaya səfərimiz gözlənilir. Orada mənim bir çox universitetlərdə çıxışım, bəzi təşkilatlarla görüşüm olacaq".

Səxavət Məmməd
Ölkə.Az