Tamaşada tərəf müqabili olub, sonra evləndilər
Fevralın 14-də Bakı Uşaq Teatrında gənclər üçün tamaşa nümayiş olunacaq.
Ölkə.Az xəbər verir ki, Elçin Hüseynbəylinin eyniadlı əsəri əsasında, yeni quruluşda hazırlanmış iki nəfərlik “Oyun” tamaşası ailə melodramıdır. Səhnə əsərində ailədaxili problemlər, qadın-kişi münasibətləri, maddi və mənəvi problemlər önə çəkilib. Bütün bu problemlərin fonunda bir sevgi hekayəsi öz əkini tapıb.
Tamaşanın rejissoru Könül Şahbazovadır. Rollarda Könül Şahbazova və Niyaz Qasımov oynayırlar.
Qeyd edək ki, K.Şahbazova və Niyaz Qasımov həyat yoldaşıdırlar. Onların məhz bu tamaşadan sonra bir-birlərini sevərək ailə qurduğu bildirilir. Xatırladaq ki, tamaşa fevralın 14-də, saat 15:00-da Bakı Uşaq Teatrının yerləşdiyi Qaraçuxur qəsəbəsi, Q. Abbasov adına Mədəniyyət Sarayında olacaq.
İntiqam VALEHOĞLU
