Kənan: ""Qoluboy" deyiləm...sən necəsən?"

Tanınmış rejissor Kənan M.M sosial şəbəkədə maraqlı status paylaşıb.

Ölkə.Az-ın məlumatına görə, rejissor statusunda onu lovğa, özündənrazı, yekəxana hesab edənlərə cavab verib:

"Mən özümdən razıyam, amma kafir deyiləm. Lovğayam, amma vətən xaini deyiləm. Yekəxanayam, ancaq haram yemirəm. Təkəbbürlüyəm, lakin "qoluboy" deyiləm... Kobudam, amma kimsənin haqqına girmirəm. Özünü sevənəm, tanımadığım insan haqqında qəti rəy vermirəm".

Rejissor bildirib ki, qeybətdən də uzaqdır:

"Allahın mənə verdiyi ömrün saat və dəqiqələrindən boş yerə istifadə edib, qeybət eləmirəm. Mən beləyəm. Yaltaq deyiləm, nankor deyiləm, etibarsız deyiləm. Bəs sən? Sən necəsən? Özün özün haqda suala gecələr cavab verib vicdanınla baş-başa qalmısanmı? İnsanın qəlbinin içini bilən yalnız Allahdır. Son qərarı da Allah verəcək. Allahın yaratdığı hər kəsi sevirəm. Məndən zəhləsi gedənlərə şad xəbərim var. Mən sizi tanımıram, amma sizin həmişə məndən zəhləniz gedəcək. Çünki məni tanıyırsınız".

İntiqam VALEHOĞLU
Ölkə.Az