Britaniya Azərbaycana 23 milyard dollar yatırıb
Hazırda Azərbaycan və Böyük Britaniyanın iqtisadiyyatın müxtəlif sahələrində, o cümlədən enerji, ticarət, investisiya qoyuluşu sahələrində əməkdaşlıq edir.
Britaniya sərmayəli şirkətlər ölkəmizdə uğurla fəaliyyət göstərirlər. İndiyədək Böyük Britaniya tərəfindən Azərbaycan iqtisadiyyatına 23 milyard dollardan çox investisiya yatırılıb.
Bu barədə İqtisadiyyat naziri Şahin Mustafayev bu ölkənin Ticarət və İnvestisiyalar üzrə dövlət naziri Fransis Moda ilə görüşündə bildirib.
“Böyük Britaniyada qeydiyyatdan keçmiş Azərbaycan təşkilatlarının fəaliyyəti, o cümlədən 2009-cu ildə yaradılmış Britaniya-Azərbaycan Biznes Şurası, eləcə də iş adamlarının iştirakı ilə keçirilmiş biznes forumlar və investisiya sammiti ölkələrimiz arasında əlaqələrin inkişafında əhəmiyyətli rol oynayır”, - deyə Ş.Mustafayev əlavə edib.
