Suriya müxalifəti yeni raketlərlə silahlanır
Suriya müxalifəti "yer-yer" tipli raketlər əldə edib.
Ölkə.az xəbər verir ki, bu haqda "Reuters" agentliyinə Suriya müxalifətinin rəhbərliyindən adının çəkilməsini istəməyən mənbə bildirib.
Mənbənin məlumatına görə, müxaliflər Əsəd ordusunun irəliləyişinin qarşısını almaq üçün "yer-yer" tipli raketlərdən istifadə edəcəklər.
Agentlik mənbənin xəbərinə istinadən məlumat verir ki, raketlər külli miqdardadır və müxaliflərə döyüşün gedişində dönüş yaratmağa imkan verəcək. Mənbə bildirir ki, raketləri müxalifətə Əsədin "xaricdəki düşmənləri" veriblər.
