AXCP \"siyasi islahatlar\" paketini hökumətə təqdim etdi

Azərbaycan Xalq Cəbhəsi Partiyası iqtisadi böhrandan çıxma yollarıyla təkliflər paketinin 3-cü hissəsini də hökumətə təqdim edib.

Bu barədə Ölkə.az-a partiyanın mətbuat katibi Vüsal Qarayev məlumat verib.

O, qeyd edib ki, bu dəfə hökumətə siyasi islahatlarla bağlı təkliflər irəli sürüblər:

"Siyasi islahatlara getmədən, iqtisadi böhrandan çıxmaq mümkün deyil. Biz bu dəfə hökumətə müxalifət və vətəndaş cəmiyyəti nümayəndələrinin iqtisadi və siyasi komissiyaların işinə cəlb edilməsini, QHT-lərin əngəlsiz fəaliyyətinin və beynəlxalq təşkilatların Azərbaycana qayıdışının təmin edilməsini, bir sıra nazirliklərin müxalifətə verilməsini, struktur islahatlarının aparılması, siayasi məhbusların azadlıqlarının təmin edilməsi və bu kimi bir çox vacib məsələlərlə bağlı önəmli, təkliflər vermişik. Əgər hökumət iqtisadi böhrandan çıxmaq istəyirsə bu təklifləri dəyərləndirib, mütləq siyasi islahatlara getməlidir".

Qeyd edək ki, Azərbaycan Xalq Cəbhəsi Partiyası bundan öncə turizm və qeyri neft sektorunun inkişafıilə bağlı 2 antiböhran paketini hökumətə təqdim edib.

Ölkə.az