AYİB prezidenti Bakıya gəlir
Avropa Yenidənqurma və İnkişaf Bankının (AYİB) prezidenti Suma Çakrabarti 2016-ci ilin iyun ayında Azərbaycana səfər edəcək.
Ölkə.Az İqtisadiyyat Nazirliyinə istinadən xəbər verir ki, bu barədə AYİB prezidenti Suma Çakrabarti Londonda nazir Şahin Mustafayev ilə görüşündə bildirib.
Görüşdə AYİB prezidenti Bankın Azərbaycandakı islahatları dəstəklədiyini vurğulayıb:
“Biz Azərbaycanda aparılan islahatları dəstəkləyirik, atılan addımlar çox əhəmiyyətli və müsbətdir”.
Ş.Mustafayev 2016-cı ilin may ayında Londonda keçiriləcək AYİB-in növbəti illik toplantısı çərçivəsində investorlara Azərbaycanın ölkə təqdimatının keçiriləcəyini bildirib.
AYİB prezidenti S.Çakrabarti bu sahədə Azərbaycana hər cür dəstək göstəriləcəyini vurğulayıb.
