Bakıda silah səsləri eşidildi
Daxili İşlər Nazirliyi Bakıda baş vermiş silahlı insidentlə bağlı məlumat yayıb.
Nazirlikdən Ölkə.Az-a daxil olan məlumatda vurğulanır ki, fevralın 16-da paytaxtın Nəsimi rayonu ərazisindən Bakı şəhər sakini Anar Hacıyevqarın nahiyəsindən güllə yarası ilə xəstəxanaya gəlmiş və tibbi yardım göstərildikdən sonra buraxılıb.
Bakı Şəhər Baş Polis İdarəsinin Cinayət-Axtarış İdarəsi əməkdaşlarının həyata keçirdikləri tədbirlərlə fevralın 14-də saat 21 radələrində S.Vurğun küçəsində yerləşən çayxanalardan birində Bakı şəhər sakini Fəzail Qədirovun münaqişə zəminində tapançadan açdığı atəşlə A.Hacıyevə xəsarət yetirib hadisə yerini tərk etməsi müəyyən edilib.
Həyata keçirilmiş əməliyyat-axtarış tədbirləri nəticəsində F.Qədirov tutulub. O, hadisəni “Makarov” markalı tapança ilə törətdiyini və sonradan onu dənizə atdığını bildirib.
Araşdırmalar aparılır.
***
Bakı sakini güllələnib.
Ölkə.Az “Report”-a istinadən xəbər verir ki, hadisə Səməd Vurğun küçəsi 81-də yerləşən parkdakı kafedə baş verib.
Belə ki, Bakı şəhər sakini, 1957-ci il təvəllüdlü Fəzayıl Qədirov “Makarov” markalı tapançadan atəş açaraq şəhər sakini 46 yaşlı Anar Hacıyevə xəsarət yetirib.
Qarın nahiyəsindən yaralanmış A.Hacıyev xəstəxanaya aparılıb.
Hadisəni törədən F.Qədirov tutulub.
Faktla bağlı araşdırmalar davam etdirilir.
