İsrail və HƏMAS sülhə razılaşdı

Fələstin höküməti və "Həmas" hərəkatı İsraillə Qəzza zolağında uzunmüddətli sülh razılaşmasının əldə olunduğunu elan edib.

Qahirənin vasitəçiliyi ilə əldə olunmuş razılaşma hər iki tərəfin döyüş fəaliyyətini dayandırmasını, həmçinin Qəzza sektoru blokadasının yüngülləşdirilməsini nəzərdə tutur.

Qəzza sakinləri bundan sonra özləri humanitar yardımı və tikinti materiallarını qəbul edə biləcək. Minlərlə insanın ölümü bahasına əldə olunmuş tarixi sülh razılaşması bu dəqiqələrdə Fələstin küçələrində bayram edilir.

Qeyd edək ki, artıq 50 gün davam edən əməliyyatlar ümumilikdə 2 mindən çox fələstinlinin və 68 İsrail vətəndaşının ölümünə səbəb olub. (anspress)

Ölkə.Az