Ankara terrorunda Rusiya və Əsəd izləri
Ankarada xüsusi xidmət və təhlükəsizlik orqanlarının terror hücumuna dair kritik qiymətləndirməsi belədir: Türkiyənin "PYD terror təşkilatıdır" tezisini gücləndirəcəyi halda PKK yaxud YPG-nin belə bir terror hadisəsinə imza atması ən çox Rusiyanın işinə yarayır. Çünki Rusiya stratejik olaraq PYD-ni ABŞ-dan uzaqlaşdırıb özünə, dolayısıyla da Bəşər Əsədə müttəfiq etmək istəyir.
Xüsusi xidmət orqanı rəsmisinin Türkiyədə dövlət zirvəsində təqdim etdiyi hesabata görə də terror hadisəsini törədən şəxsin ailəsi Suriya kəşfiyyatı ilə yaxındır.
Prezident Ərdoğan öz növbəsində Ankaradakı qanlı terror hadisəsinin beynəlxalq ölçüləri olduğuna diqqət çəkib. Ərdoğan bu sözləri terror hadisəni həyata keçirən şəxsin kimliyinin və əlaqələrinin təsbit edilməsinin ardından əminliklə vurğulayıb.
Mətbuatın yazdığı məlumata görə terrorçu kamikadzenin Türkiyədəki münasibətlərinə dair detalların demək olar ki, əksəriyyəti məlumdur. Digər tərəfdən, xüsusi xidmət orqanları terrorçunun kimliyi və Suriyadakı əlaqələri haqqında ətraflı araşdırma aparıblar. Terrorçu kamikadze haqqında bütün məlumatlar aydın olduqdan sonra hadisənin sadəcə PKK/YPG (PYD) tərəfindən həyata keçirilməsinin mümkün olmadığı və hadisədə Əsəd/Rusiya barmağının ola biləcəyi şübhəsi var.
Xüsusi xidmət və təhlükəsizlik orqanlarının dəyərləndirməsindən iki nəticəya varmaq olar:
1. Hədəf kimi Hava Qüvvələri seçilməsində PKK-nın bəhanəsi türk qırıcılarının Qəndilə qarşı uğurlu əməliyyatlarıdır. Ancaq, terror hadisəsini təşkil edənlər bir tərəfdən də rus pilotun intiqamını alıblar.
2. Türkiyənin "PYD terror təşkilatıdır" tezisini gücləndirəcəyi halda PKK/YPG-nin belə bir iriçaplı qanlı hadisəsinə imza atması ən çox Rusiyanın işinə yarayır. Çünki Afrindəki PYD-Rusiya-Əsəd üçlüsünün müttəfiqliyi böyüyür və Rusiya stratejik olaraq PYD-ni ABŞ-dan uzaqlaşdırıb özünə tərəf çəkmək istəyir. Bu baş verərsə, Suriyadakı ən böyük iki quru qüvvələri olan Əsəd ordusu ilə YPG Cenevrə kimi siyasi platformalarda böyük üstünlük əldə edəcək.
Qeyd edək ki, dünən Türkiyədə dövlət rəsmilərinin zirvəsinə də təqdim olunan hesabatlara işıq tutan ən mühüm dəlil kamikadze terrorçunun olduğu düşünülən Saleh Neccarın profilidir. Məlumata görə Türkiyəyə daxil olarkən Saleh Neccarın şəkli çəkilib və barmaq izi alınıb. Əldə edilən digər məlumatlara görə isə Suriyada, həm kürd, həm ərəb olmaq üzrə iki Neccar ailəsi var. 2015-ci ilin iyul ayında Kobanidəki qızğın müharibə vaxtı İŞİD terror təşkilatından qaçaraq Türkiyəyə gələn Saleh Neccar ailəsi Qamışlıdandır. Sözügedən ailə isə Suriya Hərbi Kəşfiyyatına (Shu'bat al-Mukhabarat al-'Askariyya-SMA) yaxındır.
