"NATO Türkiyəyə lazım olan qədər dəstək vermir"

"Türkiyə ilə Rusiya arasında müharibə ola bilər"

Bu sözləri Fransa prezidenti Fransua Olland deyib. Fransua Olland bildirib ki, Türkiyə Suriyaya girmək istəyir. Bu da Rusiya ilə müharibə riskini artıtır.

Fransua Ollandın səsləndirdiyi bu fikirlə bağlı politoloq Qabil Hüseyinli Ölkə.Az-a danışıb:

"Fransua Ollandın fikrini oxudum, xeyli təəccübləndim. Ona görə təəccübəlndim ki, NATO üzvü olan bir ölkənin prezidenti müharibə anonsu verir. Həqiqətən də Rusiya ilə Türkiyə arasında münasibətlər çox gərgindir və gərginləşməkdə də davam edəcək. Siyasi danışıqlara ehtiyac var. Ancaq siyasi danışıqları təşkil edəcək qurum yoxdur. BMT vasitəçilik yerinə yetirməlidir, amma yerinə yetirmir. NATO-ya gəldikdə isə NATO-nun əsas dövləti olan ABŞ müəyyən təşəbbüsü öz üzərinə götürə bilər, amma hətta o da bunu etmir.

Türkiyə dəfələrlə Rusiya ilə danışıqlara cəhd edib, ancaq bütün görüş təklifləri Putin trəfindən təkəbbürlə rədd edilib. Rusiya özünü sözün əsl mənasında qoçu kimi aprarır. Buna görə də, danışıqlar alınmır. Rusiyanın özünü bu cür təkəbbürlü aparmasının bir səbəbi var ki, NATO Türkiyənin arxasında kifayət qədər dayanmar. Rusiyanı da ürəkləndirən budur. Suriyada baş verənlər, kürdlərin Suriya türkmənlərini qovub çıxarması bunların hamısı onu göstərir ki, bu Rusiyanın göstərişidir. Kürd peşmərgələri türkmənlərə qarşı hərəkətə keçərkən Rusiya aviasiyası onları dəstkləyir. Hadisələr Türkiyə sərhəddinin cəmi 3-4 kilometrliyində baş verir. Əgər bu proseslər Rusiyanın sərhəddi yaxınlığında olsaydı, Rusiya dünyanı bir-birinə qatardı, indi bütün beynəlxalq təşkilatlar bu məsələni müzakirə edirdi. Ancaq NATO üzvü olan Türkiyə Rusiya və onun əlaltıları tərəfindən təhdid edilir.

Suriya kürdləri İraqa qədər olan ərazini işğal etmək, sonra İraq kürdləri ilə birləşib "Rojava" deyilən kürd dövlətini yaratmaq niyyətindədirlər. Rusiya da bu ideyanı, layihəni dəstəkləyir. Belə olan halda Türkiyə sərhəddində kürd dövlətinin yaranmaması üçün indidən tədbirlər görməlidir. Türkiyə Suriyada baş verən proseslərə müdaxilə etmək üçün ABŞ-la məsləhətləşir. ABŞ Türkiyənin istəklərinə başa düşülən formada yanaşmaq əvəzinə Suriya kürdlərinə dəstək verir".

Səxavət Məmməd
Ölkə.Az