Həftənin icmalı
Azərbaycanda yeni ictimai nəzarət mexanizmi hazırlanır
15.02.2016
Azərbaycanda ictimai nəzarət haqqında yeni qanun layihəsi hazırlanıb.
Qanu layihəsi bu gün Milli Məclisin Hüquq siyasəti və dövlət quruculuğu komitəsində müzakirəyə çıxarılıb.
Ölkə.Az Trend-ə istinadən xəbər verir ki, qanun layihəsinin məqsədi mərkəzi və yerli icra hakimiyyəti orqanlarının və onların vəzifəli şəxslərinin vəzifə və funksiylarının, həmçinin, qanunvericilk aktlarının səmərəli şəkildə icra edilməsi, vətəndaşların və hüquqi şəxslərin qanuni maraqlarının qorunması, şəffaflığın və hesabatlılığın təmin olunmasında ictimai nəzarətin həyata keçirilməsi sahəsində münasibətləri tənzimləməkdir.
Ordumuz beynəlxalq tədbirlərdə iştirak edir
15.02.2016
Azərbaycan Silahlı Qüvvələrinin nümayəndələri beynəlxalq tədbirlərdə iştirak edir.
Müdafiə Nazirliyinin Mətbuat Xidmətindən verilən məlumata görə, fevralın 15-dən 17-dək Surix şəhərində (İsveçrə) hərbi əməkdaşlıq konfransı, fevralın 15-dən 19-dək Ankara şəhərində (Türkiyə) terrorçuluğa qarşı mübarizə və Oberammerqau şəhərində (Almaniya) döyüş hazırlığı qiymətləndirmə kursları keçirilir.
Tədbirlərdə Azərbaycan Respublikası Silahlı Qüvvələrinin nümayəndələri iştirak edirlər.
PA rəsmisindən icra hakimiyyətlərinə xəbərdarlıq
15.02.2016
Prezident yanında Apelyasiya Şurasına son bir neçə gün ərzində ayrı-ayrı orqanların qəbul etdiyi qərarlardan müxtəlif məzmunda xeyli şikayət daxil olub və onların sayı günbəgün artmaqdadır.
Ölkə.Az xəbər verir ki, bunu Azərbaycan Prezidenti yanında Apelyasiya Şurasının sədri, Prezident Administrasiyasının dövlət nəzarəti şöbəsinin müdiri Eldar Nuriyev Azərtac-a müsahibəsində deyib.
O, şikayətlərin sayının azaldılması və lüzumsuz artmasının qarşısının alınması üçün yerli və mərkəzi icra hakimiyyətlərini zəruri tədbirlər görməyə çağırıb:
Bu il cəmi 1500 azərbaycanlı hacı ola biləcək
15.02.2016
Azərbaycanda bu il Həcc ziyarətinə gedəcək zəvvarlarla bağlı kvota məlum olub, yaxın günlərdə ziyarətin qiymətləri açıqlanacaq.
Ölkə.Az xəbər verir ki, Qafqaz Müsəlmanları İdarəsindən (QMİ) APA-ya verilən məlumata görə, Səudiyyə Ərəbistanı Krallığında ilə aparılan danışıqlar nəticəsində əldə olunan razılığa əsasən, bu il Azərbaycandan Həccə ən çox 1500 zəvvar gedə biləcək.
Qeyd edək ki, ötən il Azərbaycan üçün kvota 2400 nəfər təşkil edib.
Nardaranla bağlı ciddi qərar verildi
15.02.2016
Nardarandakı məscidlərlə bağlı orada yalnız bir icmanın qeydiyyata alınması və digər məscidlərin o icma vasitəsi ilə mütəvəli (nümayəndə) qayda ilə idarə olunması barədə qərar qəbul edilib.
Ölkə.Az xəbər verir ki, Azərbaycanın Dini Qurumlarla İş üzrə Dövlət Komitəsinin sədri Mübariz Qurbanlı APA-ya açıqlamasında bildirib ki, yerli sakinlərin iştirakı ilə qərara alınıb ki, icma Rahimə Xanım ziyarətgah məscidində qeydiyyata alınsın və dində mövcud olan qaydaya görə qəsəbədəki digər məscidlərə oradan mütəvəlilər təyin edilsin.
Geomaqnit qasırğası baş verə bilər
15.02.2016
Hazırda Günəşin səthində 52 ləkə və 3 fəallıq qrupu (ləkələr toplusu - AR) müşahidə olunur. Diskin kənarına yaxın yerləşən aktiv region - AR 2497 ən mürəkkəb maqnit konfiqurasiyasına “(beta-qamma-delta” quruluşuna) malik olduğundan buradakı Günəş ləkələrinin yaxınlığında hər an ən müxtəlif gücə malik alışmanın başvermə ehtimalı yüksəkdir. Təsəlliverici fakt isə odur ki, bir azdan bu aktiv region Günəşin fırlanması səbəbindən görünən diskin arxasına keçəcək və o, “geoeffektiv” olmayacaq.
Azərbaycan ordusu Cənubi Qafqazda ən güclüdür
15.02.2016
Azərbaycan ordusu dünyanın ən güclü ordusu reytinqində 64-cü yeri tutub.
Qonşu Gürcüstan reytinqdə 75-ci, Ermənistan isə 74-cü pillədə qərarlaşıb.
İlk onluq belədir: ABŞ, Rusiya, Çin, Hindistan, Böyük Britaniya, Fransa, Cənubi Koreya, Almaniya, Yaponiya və Türkiyə.
Son yerlərdə Mozambik, Mali və Somalinin Silahlı Qüvvələri qərarlaşıb.
Azərbaycan alimlərindən yenilik
16.02.2016
Azərbaycan alimləri okean və dənizdəki dalğaların spektrlərini Günəşin parıltılarına görə təyin etməyə imkan verən yeni metod hazırlayıblar.
Ölkə.Az xəbər verir ki, Azərbaycan Milli Elmlər Akademiyasının Coğrafiya İnstitutunun Xəzər dənizi problemləri şöbəsinin baş elmi işçisi, AMEA-nın müxbir üzvü Rauf Qardaşov Trend-ə bildirib ki, dəniz səthi üzərində Günəş parıltılarının xarakteristikaları (sayı və ölçüləri) ilə dalğa spektri arasında əlaqənin olduğu müəyyən edilib: “Dəniz üzərində heç bir dalğa yoxdursa, onda biz Günəşin parıltısını dairəvi disk şəklində görürük. Dalğa əmələ gəldikcə Günəşin tam parıltısı hissəciklərə, yəni kiçik parıltılara bölünür. Küləyin sürəti, dalğa gücləndikcə bu parlıltıların əhatə etdiyi sahə də getdikcə böyüyür. Bu da onu göstərir ki, biz parıltıların sayılan ölçülərinə, əhatə etdiyi sahəsinə görə dalğanın sürəti, onun paylanması haqqında fikir söyləyə bilərik. Bu ideya əsasında yeni riyazi metod işlənib”.
Bakıda köhnə binalar söküləcək
16.02.2016
Bakıda yeni tikinti layihəsi həyata keçiriləcək.
Bunu sahibkarlarla görüşündə fövqəladə hallar naziri Kəmaləddin Heydərov deyib. Onun sözlərinə görə, Bakının mikrorayonlarında bəzi 5, 7 və 9 mərtəbəli köhnə binaların yerinə yeni binaların tikilməsi ilə bağlı konsepsiya hazırlanıb.
Nazir müəllimi sillələyən qadın direktoru cəzalandırdı
16.02.20
Tutduqları vəzifələrində yol verdikləri nöqsanlara görə Biləsuvar rayonu Ovçubərə kənd tam orta məktəbinin direktoru Mənsurə Gülağa qızı Şahverənova tutduğu vəzifədən azad edilib, Biləsuvar Rayon Təhsil Şöbəsinin müdiri Balaqardaş İman oğlu Kazımova töhmət verilib.
Addım-addım xərçəngə aparan qidalar
16.02.2016
Bu gün "fast food", dönər və s. kimi qidalar, o cümlədən, enerji içkiləri insanlar tərəfindən geniş istifadə olunur, lakin əksəriyyət bu qidaların insan orqanızmi üçün nə qədər zərərli olduğundan, hətta onkoloji xəstəliklərə yol açdığından xəbərsizdir, ya da fərqinə varmır.
Ölkə.Az Trend-ə istinadən xəbər verir ki, məsələyə münasibət bildirən Leyla Şıxlinskaya Klinikasının baş həkimi, invaziv qastroenteroloq, hepatoloq İlqar Alışov bildirib ki, insanların bu kimi qidalardan geniş istifadəsi son dövrlərdə mədə-bağırsaq xəstələrinin sayının xeyli artmasına səbəb olub.
Ermənilərin Qaradağlı kəndində törətdiyi qətliamdan 24 il ötür
17.02.2016
Bu gün Ermənistan Silahlı Qüvvələrinin Xocavənd rayonunun Qaradağlı kəndini işğal etməsindən 24 il ötür.
Ölkə.Az-ın APA-ya istinadən məlumatına görə, erməni hərbi birləşmələri Xankəndidə dislokasiya olunan 366-cı motoatıcı alayının hərbi texnikasının və canlı qüvvəsinin dəstəyi ilə 1992-ci il fevralın 15-dən başlayaraq azərbaycanlılar yaşayan Qaradağlı kəndinə hücum edib. İki gün çəkən ağır döyüşdən sonra mühasirəni yaran ermənilər fevralın 17-də kəndi işğalı ediblər.
Məhkumun öldüyü həbsxanada yoxlamalar keçirilir
17.02.2016
Azərbaycan Respublikasının insan hüquqları üzrə müvəkkili Elmira Süleymanovanın (Ombudsman) tapşırığına əsasən, Ombudsmanın Milli Preventiv Qrupunun (MPQ) üzvləri Ədliyyə Nazirliyi Penitensiar Xidmətinin 6 saylı cəzaçəkmə müəssisəsinə (CÇM) əvvəlcədən xəbərdarlıq etmədən başçəkmə həyata keçiriblər.
Ombudsman Aparatının mətbuat xidmətindən Ölkə.Az-a verilən məlumata görə, başçəkmədə məqsəd saxlanılma şəraitinin və rəftarın, daxil olmuş müraciətlərin, habelə bu müəssisədə məhkumlarla bağlı mətbuatda yayılmış məlumatların araşdırılması olub.
Şeyx İlham Əliyevə "Quran" hədiyyə etdi
17.02.2016
Azərbaycan Respublikasının Prezidenti İlham Əliyev fevralın 17-də Gəncədə “İmamzadə” dini kompleksində aparılan əsaslı təmir və yenidənqurma işlərindən sonra yaradılan şəraitlə tanış olub.
Azərbaycan Prezidenti İlham Əliyev əvvəlcə respublika ictimaiyyətinin nümayəndələri və din xadimləri ilə görüşüb. Mərasim müqəddəs “Qurani-Kərim”dən ayələrin oxunması ilə başlayıb. Dövlət başçısı mərasimdə nitq söyləyib.
Sonra Qafqaz Müsəlmanları İdarəsinin sədri, şeyxülislam Allahşükür Paşazadə çıxış edib.
Şeyxülislam Allahşühür Paşazadə dövlət başçısına “Qurani-Kərim” hədiyyə edib.
Səhiyyə Nazirliyi: Təhsil müəssisələri ayda 2 dəfə dezinfeksiya ediləcək
18.02.2016
Azərbaycanın Bakı, Sumqayıt, Mingəçevir, Gəncə şəhərləri və Abşeron rayonundakı təhsil müəssisələrində A/H1N1 virusu təhlükəsi ilə əlaqədar dezinfeksiya işlərinin həyata keçirilməsi başa çatdırılıb. Amma buna baxmayaraq, bundan sonra mütəmadi olaraq, ayda 2 dəfə dezinefskiya işləri aparılacaq.
Ölkə.Az xəbər verir ki, bunu Trend-ə Səhiyyə Nazirliyi Respublika Gigiyena və Epidemiologiya Mərkəzinin direktor müavini Afaq Əliyeva bildirib.
Onun sözlərinə görə, dezinfeksiya tədbirləri yalnız A/H1N1 virusu ilə əlaqədar deyil, bütün yoluxucu xəstəliklərin profilaktikası məqsədi ilə həyata keçirilir.
Azərbaycanın cəmi 6 rayonu özünü təmin edir
18.02.2016
Son dövrlərdə regionların inkişafı sahəsində həyata keçirilən tədbirlər nəticəsində respublikanın şəhər və rayonlarının vergi potensialı artırılıb.
Ölkə.Az xəbər verir ki, Vergilər Nazirliyinin mətbuat xidmətindən bildirilib ki, 2015-ci ildə, Bakı şəhəri istisna olmaqla, respublikanın rayon və şəhərləri üzrə gəlirlər 593,4 milyon manat təşkil edib ki, bu da 2014-cü illə müqayisədə 18,9 faiz artım deməkdir.
Yerli gəlirləri hesabına xərclərini tamamilə ödəyən Sumqayıt, Abşeron, Mingəçevir, Şirvan və İmişli rayon və şəhərlərinə 2016-cı ildən Naftalan şəhəri də əlavə olunub.
Azərbaycan xalqı Xocalı soyqırımının 24-cü ildönümünü yad edir
18.02.2016
Azərbaycan tarixinə qanlı hərflərlə yazılmış Xocalı faciəsindən düz 24 il keçir. Ürəyində vətən sevgisi olan hər bir Azərbaycanlı 26 fevral – Xocalı soyqırımı günündə erməni silahlı qüvvələrinin xalqımıza qarşı törətdiyi vəhşiliklər və bu etnik təmizləmə ilə bağlı əsl həqiqətləri bütün dünyaya yaymağa çalışır. Ermənistan tərəfindən Azərbaycan şəhəri olan Xocalının işğalı nəticəsində 613 nəfər amansızlıqla qətlə yetirilmişdir. Onlardan 63-ü uşaq, 106-sı qadın, 70-i isə qoca olub. 76 nəfəri uşaq olmaqla, 487 nəfər yaralanıb, 1275 nəfər girov götürülüb və 150 nəfər itkin düşüb.
“Justice for Khojaly” (“Xocalıya ədalət”) kampaniyası Xocalıda baş vermiş qanlı hadisələr haqqında dünya ictimaiyyətini məlumatlandırmaq məqsədi ilə ilk dəfə olaraq Heydər Əliyev fondunun vitse-prezidenti Leyla Əliyevanın təşəbbüsü ilə 8 may 2008-ci ildə başladılmışdır.
Martda 14 gün iş olmayacaq
18.02.2016
Mart ayında Azərbaycanda cəmi 17 iş günü (şənbə günləri işləməyənlər üçün - red.) olacaq.
Ölkə.Az xəbər verir ki, martın 8-i Beynəlxalq Qadınlar Günü ilə əlaqədar qeyri-iş günüdür.
Bundan əlavə, 2016-cı ildə Novruz bayramı 20, 21, 22, 23, 24 mart tarixlərinə təsadüf edir.
Novruz bayramı günlərindən biri – 20 mart bazar gününə təsadüf etdiyi üçün Əmək Məcəlləsinə əsasən iş və istirahət günlərinin yerləri dəyişdiriləcək və 25 mart qeyri-iş günü olacaq.
Beləliklə, bayramlarla əlaqədar mart ayında 7 gün, şənbə və bazara təsadüfən edən günləri nəzərə almaqla isə ümumilikdə gələn ay 14 gün iş olmayacaq.
Azərbaycan hərbi gəmilərində yeni raket qurğuları quraşdırdı
19.02.2016
Xəzər dənizinin Azərbaycana məxsus hissəsində mümkün təhdidlərə, karbohidrogen ehtiyatlarının hasilatı və nəqli infrastrukturunun təhlükəsizliyinin təmin edilməsi, döyüş imkanlarının artırılması istiqamətində gəmilərdə yeni artilleriya və zenit raket qurğuları quraşdırılıb.
Ölkə.Az-ın APA-ya istinadən verdiyi xəbərinə görə, bunu Dövlət Sərhəd Xidmətinin (DSX) Sahil Mühafizəsinin rəisi, general-mayor Əfqan Nağıyev deyib.
O bildirib ki, son illər Azərbaycanın dəniz sərhədlərinin mühafizəsində böyük inkişafa nail olunub. “Son illərdə dəniz sərhədlərinin daha müasir şəkildə mühafizəsi üçün böyük işlər görülür. Dövlət Sərhəd Xidmətinin rəisinin müvafiq əmri ilə dəniz sərhəd zastavaları, limanlar Sahil Mühafizəsinin tabeliyinə verilib. Şəxsi üzmə vasitələri qeydiyyatdan keçirilib”, - deyə Ə.Nağıyev bildirib.
Ölkədə işsizlərin sayı açıqlandı
19.02.2016
Bu ilin fevral ayının 1-i vəziyyətinə məşğulluq xidməti orqanları tərəfindən ölkə üzrə rəsmi işsiz statusu verilən şəxslərin sayı açıqlanıb.
Dövlət Statistika Komitəsindən verilən məlumata görə, bu müddət ərzində işçislərin sayı 29,8 min nəfər olub ki, onların 38,3 faizini qadınlar təşkil edib. İşsizliyə görə müavinətin orta məbləği isə 281 manat olub.
İşsiz statusuna malik olan şəxslərin çoxu məhz paytaxt Bakıda yaşayır. Belə ki, onların sayı 12 513 nəfərdir. Onlardan işsizliyə görə müavinət alanların sayı isə 1012 nəfər təşkil edib.
Azərbaycanda qurulan hər 5 ailədən biri dağılır
19.02.2016
Ötən il Azərbaycanda qeydiyyat şöbələri tərəfindən 68,8 min nikah və 12,8 min boşanma halı qeydə alınıb.
Dövlət Statistika Komitəsindən Ölkə.Az-a verilən məlumata görə, əhalinin hər 1000 nəfərinə bu göstəricilər müvafiq olaraq 7,2 və 1,3 olub.
2015-ci ildə Dövlət Miqrasiya Xidməti və Daxili İşlər Nazirliyi tərəfindən Azərbaycana daimi yaşamaq üçün 2,7 min nəfər gələn və 1,6 min nəfər ölkədən gedən qeydə alınıb.
Əhalinin sayı 10 milyon nəfərə yaxınlaşır
19.02.2016
Аzərbаycаndа mövcud dеmоqrаfik vəziyyət açıqlanıb.
Dövlət Statistika Komitəsindən Ölkə.Az-a verilən məlumata görə, əhalinin sayı ötən il 112,6 min nəfər və yaxud 1,2 faiz artaraq 2016-cı ilin əvvəlinə 9705,6 min nəfər olub.
Məlumata görə, 2015-ci ildə əhalinin ümumi artımı əsasən təbii artım hesabına baş verib. Bununla yanaşı, miqrasiya artımı da müşahidə olunub və əhalinin ümumi artımının 1 faizini təşkil edib.
Əhalinin sıxlığı bir kvadrat kilometrə 112 nəfərdir. Əhalinin 53,1 faizi şəhər, 46,9 faizi isə kənd sakinləridir. Əhalinin 49,8 faizini kişilər, 50,2 faizini qadınlar təşkil edir. Hazırda hər 1000 kişiyə orta hesabla 1007 qadın düşür.
Qanında QİÇS aşkarlanan 2 nəfər evlənməkdən imtina etdi
20.02.2016
2015-ci ilin 1 iyun tarixindən bu günə kimi nikaha daxil olmaq istəyən şəxslərdə aparılan tibbi müayinələr nəticəsində 2 nəfərdə QİÇS aşkarlandığı üçün onlar evlənməkdən imtina ediblər.
Ölkə.Az xəbər verir ki, bu barədə Modern.az-a QİÇS-lə Mübarizə Mərkəzinin Epidemioloji nəzarət və profilaktika şöbəsinin müdiri Afət Nəzərli deyib.
O qeyd edib ki, bu zaman çərçivəsində nikaha daxil olmaq istəyən 54 nəfərdə QİÇS aşkarlanıb.
