4 yaşlı uşağa ömürlük həbs cəzası verdilər
Bu azyaşlı uşaq cinayət məcəlləsinin bir neçə maddəsi ilə ittiham edilib.
Ölkə.az xəbər verir ki, qalmaqallı məhkəmə hökmü Misirdə 4 yaşlı uşağa oxunub.
4 yaşlı Əhməd Mənsur Karni dörd cinayət, səkkiz cinayətə təşəbbüs göstərmək, Səhiyyə Nazirliyinə aid binalara zərər vermək, əsgər və polisləri təhdid etmək, təhlükəsizlik qüvvələrinə aid maşınlara zərər vermək kimi cinayətlərdə ittiham olunur.
Məsələnin insanları şok edən tərəfi isə ondadır ki, məhkəmənin iddiasına görə, 4 yaşlı Əhməd bu cinayətləri 2 yaşında olarkən işləyib.
Uşağın vəkili Faysal əl-Sayd isə bildirib ki, Əhmədin şəhadətnaməsi məhkəməyə təqdim olunsa da məhkəmə qərarı qüvvədə saxlayıb.
"Dünyanın heç bir yerində görünməyən biabırçılıq Misirdə baş verib. Ölkə bir qrup dəli tərəfindən idarə olunur", deyə uşağın vəkili bildirib.
